早排阿史喺介紹到「工夫茶」嚟到南方嘅時候,就提到同一件歷史事件有關,而呢件事就係「衣冠南渡」喇!

所謂嘅「衣冠南渡」其實係指緊晉朝時期發生嘅中原政權同埋文明首次大規模遷移,而呢次遷移嘅目的地就係由原本嘅黃河流域入遷移至長江流域。「衣冠南渡」當中,唔少人都將「焦點」放咗喺「衣冠」上面。喺東晉果陣,唔少士族峨冠博帶,風度翩翩,即使喺南遷果陣仍然係以官宦士紳為主,所以當中嘅「衣冠」亦都代表住文明同埋階級。

喺秦、漢年間嘅政權大一統之後,中原地區嘅經濟同埋文化都得到好重要嘅發展,被視為係文明嘅地區,同當時嘅南方好唔同。而去晉朝時期、永嘉之亂後,北方落入胡人手中,琅邪王司馬睿率領大批中原士族臣民由西晉京師洛陽南逃,喺中原士族及江東大族支持下,喺建康(即係今日嘅南京)建立晉室王朝,史稱東晉(317-420)。呢次南渡係古代中國歷史上第一個正統皇朝由中原遷移至江南,亦都象徵住華夏文明同埋南方文明交流融合。

原圖嚟自網絡