1950年爆發嘅韓戰，可以話係第二次世界大戰後一場影響深遠嘅戰爭，帶嚟影響嘅直到今時今日，當中包括兩韓對峙，同時亦形成今日海峽兩岸之間嘅形勢。

响四十年代末，國民政府响國共內戰當中兵敗，最終撤退到台灣，早响1949年，新華社已發表題為《中國人民一定要解放台灣》嘅評論，首次提出「解決台灣」口號。而新中國成立後，解放軍就積極部署解放台灣。不過，朝鮮半島爆發戰爭就令解放台灣呢個部署出現咗變數，1950年韓戰爆發，美國遠東軍司令麥克阿瑟就响美國政府提交咗一份《在亞洲遏制共產黨的戰略計劃》，明確提出台灣嘅戰略價值。响1950年6月27日,美國總統杜魯門下令第七艦隊進駐台灣海峽，聲稱為咗「阻止共產黨對台灣的進攻」，因此美國要「協防」台灣。亦因為咁，解放台灣的計劃被迫擱置，海峽兩岸長期分離的格局亦就咁形成。

原圖嚟自網絡