三朝回門點解要有燒豬？

早兩日阿史同朋友食晏，友人响燒味舖度叫個碟乳豬飯，阿史吹水就話燒豬响中國傳統裡面有好重要地位，三朝回門都係送返隻燒豬返娘家。友人就問點解？

三朝回門係中國傳統婚嫁中個習俗，即女兒出嫁三日後就要返娘家，而回門個陣就要送上一隻燒豬，以答謝女家父母養育之恩。其實响以往民間觀念當中，回門燒豬係有特別意思，就係代表新娘子係黃花閨女。如果唔係就成世都响男家都抬不起頭，甚至要浸豬籠。另外，唔少人都以為回門要送乳豬，其實响傳統上回門燒豬啲人唔單止唔鍾意乳豬，仲要求隻燒豬愈大隻愈好，咁就代表家族有錢。

阿史記得中學老師教呢個傳統個陣，就話今時今日社會，基本上都好難做到三朝回門。問佢點解？佢笑而不語。