之前講過唔少人誤會咗風水師龍景銓係李我嘅徒弟,咁史友又記唔記得李我呢位傳奇人物呢?

李我可以話係粵語播音界嘅殿堂級人物,佢早年响香港讀書,响1946年始創廣播劇《天空小說》,風行省港澳。响1950年代至1970年代,先後任職廣州風行電台、澳門綠邨電台、香港麗的呼聲以及香港商業電台。而响香港工作期間,麗的呼聲同商台都係以重金邀請佢加盟做節目,據講當年麗的請到李我做廣播劇,一年間訂戶增加六倍。到底李我點解咁受歡迎呢?因為佢真係好厲害,例如佢成名作「天空小說」系列廣播劇,他就包辦廣播劇中所有角色,佢話最勁個次試過一個人扮八個角色。另外,佢最出名就係急才,阿史睇《李我講古(二)》就有一個故事,佢話有一次佢聲演一個啞嘅角色,但佢又唔記得咗個主角係講唔到嘢,講咗對白,結果好多人打去電台問。結果佢响故事就兜返話個角色原來响夢中同人講嘢,咁好急才真係有料到。

除咗廣播劇,李我另一個為人熟悉嘅參演作品就係《香港8X》系列,佢响裡面就飾演相士「覺悟因」,做到《香港86》大結局先正式退休。

原圖:網絡