呢排疫情開始緩和,唔少嘅防疫措施亦都開始放寬,下個月仲可能可以去新星坡旅行,相信唔少香港人都覺得開心。疫情對各行各業打擊都好大,最受影響嘅首當其衝就係旅遊業,阿史就諗返起2003年果陣港府搞過嘅一場活動,就係為咗重振香港經濟。

阿史今次想介紹嘅之唔係「2003年維港巨星匯」,相信唔少史友都可能會有印象。呢場大型表演活動係由香港特區政府撥款1億港元舉辦,係當年振興香港經濟重點項目之一,邀請到香港、外地多位歌手樂隊演出,就好似有滾石樂隊、Craig David、Westlife、Air Supply;本地歌手就有莫文蔚、陳奕迅、鄭中基、謝霆鋒、容祖兒等等。陣容睇落去當然係相當豪華,但當年喺沙士之後舉行呢次大型活動,安排上產生唔少混亂,仲曾經出現過外國樂隊取消抵港、香港歌手辭演呢啲亂象,好在最後都可以成功舉行表演。

原圖嚟自網絡