1936年西安事變後,中國共產黨與中國國民黨實現第二次國共合作,聯合抗日共赴國難。不過,雖然共產黨軍隊入咗國軍編制,但响抗日戰爭中雙方曾經發生唔少衝突,皖南事變就係其中一次。

1941年1月,葉挺、項英率領新四軍大約9,000人,由安徽省東南部涇縣雲嶺至茂林。點知去到茂林一帶,國軍將領顧祝同、上官雲相就安排部隊埋伏,遭到圍攻嘅新四軍倉卒應戰,經歷七晝夜血戰,最終彈盡糧絕,唔少新四軍官兵犧牲,包括副軍長項英、參謀長周子昆,而軍長葉挺親赴談判時被扣押。事件發生後,蔣介石以國民黨軍事委員會嘅名義,宣布新四軍「叛變」,取消新四軍嘅番號,並將軍長葉挺革職。呢次就係震驚中外嘅皖南事變喇!

原圖嚟自網絡