如果講到一啲香港比較特別嘅交通工具,相信唔少史友都會即時諗到山頂嘅纜車又或者港島嘅電車,但原來以前香港有款凌空式吊車,唔知大家又見過未呢?

阿史所講嘅之唔係柏架山嘅吊車囉!呢個吊車系統喺1892王1932年間運行,專門來往港島東部嘅柏架山同埋鰂魚涌,係當時世上最早嘅一個載人專用嘅凌空式吊車。呢款吊車當時真係有個朵,清朝光緒年間,一位叫做吳友如嘅畫家就將柏架山嘅吊車畫入佢嘅畫作之中,因為認錯咗所畫嘅地方係銅鑼灣,所以就將柏架山吊車叫咗做「銅鑼飛棧」。

呢位畫家當時係咁樣描述「振衣直上者恆苦跋履不易,乃太古糖局竟建屋於其上……於是製成一桶,可容五六人。其上也如匹練之升空,其下也燭之武之見秦師。錘而出之,上下自如,不費足力,人感嘆其法之巧」

就咁睇上面呢段文字,史友們可能都已經會估到呢套吊車系統點解會出現喇!1892年修建嘅吊車系統,係當年太古洋行專門為佢啲員工修建,係專門用嚟接載員工喺柏架山宿舍去到山下嘅太古企業,如果唔係繁忙時間,仲會接埋附近嘅居民,每程可以有2架可坐6人嘅吊車行駛。可惜嘅係,呢套系統後來因為使用率太低,最終喺1932年拆卸。

原圖嚟自網絡