香港整體土地嚟講都係山多平地少,再加上古代有過唔少活躍嘅地殼活動,令到呢個地方有唔少礦物資源,除咗有打鼓嶺鉛礦、馬鞍山磁鐵礦外,其實前南丫石礦場都好出名架。

同以上提到嘅石礦場對比,前南丫石礦場嘅歷史可能就冇咁耐。呢個位於香港南丫島索罟灣、又名博東灣嘅石礦場,計計埋埋係喺1978年先開始運作。喺1977年7月,當時港府為咗可以開拓更多石料來源,就公開刊憲宣布將會設立南丫石礦場,而且合約期係十年。

呢個公開招標一出現,就引嚟13間石礦企業及建築公司投標,最後就由法國寶嘉建築拎到呢個經營權並且同Enterrrises Audemard公司合營,同年就已經正式展開營運。但運作咗無耐,成個礦場就由瑞安建業隨即收購,仲運行多幾年去到1993年。

開展礦場對環境嚟講係會造成唔少破壞,去到1995年前南丫石礦場就展開綠化修復工程,工程就有建造向北伸延嘅寬闊平台、種植樹木、建造人工湖等等,去到2002年所有工程都完結,石礦場亦隨即結束24年嘅營運。

原圖嚟自網絡