香港唔少地方都係填海得返嚟,所以好多地方本來係海邊,過咗一段時間之後就變成咗離海邊好遠,其中一個地方就係渡船角嘅「八文樓」。

「八文樓」正名係文華新村,位於九龍油麻地渡船角佐敦道與渡船街交界,响1964年至1970年間落成。咁點解叫做「八文樓」呢?咁係因為呢八幢樓都係以「文」字為名。响以往,文華新村係响佐敦道碼頭附近,所以曾經係西九龍嘅海景樓盤。唔單止有海景,加上鄰近渡海碼頭同巴士總站,交通便利,因此吸引到唔少中產人士入住。不過,隨住西九龍一帶填海,「八文樓」就係臨海變成內陸地區。如果今日响柯士甸站行出嚟,都好難想像呢個地方以前係海嚟。

原圖嚟自網絡