近年嚟深大埗大南街一帶開咗唔少文藝小店、文青café,令到呢條原本只係賣布同珠仔嘅街道多咗另一份特色，甚至仲有人話呢度會成為另一個BROOKLYN，咁阿史就當然要同大家介紹下啦！

呢條鄰近欽州街、汝州街同埋基隆街嘅街道，大概嘅範圍就係界限街以南，全長大約1公里，早喺1927年11月25日就以「大南街」命名。早年呢條街道隨住深水埗大規模填海發展，成為咗經商、擺檔同埋布料集散嘅重要地方。唔講唔知，原來大南街呢個名係同峴港有關。

當年港府命名呢條街道，其實就參考咗呢條街道上嘅商號做例子，當時唔少商號都係以外國嘅城市名而命名，據講當時由呢條街去到碼頭位置有個地方係叫做大南，而大南又係越南峴港舊稱，呢幾個巧合加埋，就令到港府用「大南街」命名呢條街喇！

原圖嚟自網絡