馬克思主義對近代中國發展有住好深遠影響,可能史友們以前讀書時都會讀到馬克思主義同社會主義係响五四新文化時期傳入中國,查實,呢個講法未必係最正確。

其實早响五四新文化運動之前,已經有部分有識之士响中國介紹馬克思主義,好似梁啟超就响1902年《新民叢報》嘅文章當中,介紹麥喀士嘅社會主義,麥喀士亦即係馬克思。另外,同盟會會員朱執信响1906年寫咗本《德意志社會革命家小傳》,介紹馬克思、恩格斯活動同《共產黨宣言》、《資本論》部分內容,可以話係早期將馬克思階級鬥爭同剩餘價值呢類理論介紹咗俾中國知識份子們。不過,近年就有研究發現早响十九世紀末,英國傳教士李提摩太就已經翻譯同刊載部分介紹馬克思論著嘅文章。

不過,真正大規模宣傳馬克思主義嘅時期,的確係1917年俄國十月革命之後嘅事。

原圖:網絡