近排唔少博物館都推出一啲特別嘅展覽希望市民假日多一個好去處,而早前閉館長達4年幾嘅香港藝術館都唔例外,近排就有一個波提切利嘅藝術展。提起香港藝術館,史友們又知唔知呢間博物館嘅由來呢?

香港藝術館就喺2015年8月開始進行長達4年嘅閉館重修,所以近年嚟關於呢間藝術館嘅消息真係唔多。位於油尖旺區尖沙咀梳士巴利道10號嘅藝術館,原先嘅館址係位於中環香港大會堂頂層,前身正係1962年成立嘅香港博物美術館。去到1974年博物美術館就分拆成香港博物館同埋香港藝術館,藝術館就喺1991年搬遷到尖沙咀海旁現址。

可能比較多史友會關心到底呢個博物館有咩睇?香港藝術館號稱有成15,700件館藏,入面嘅類型就有中國書畫、古玩、古代文物、畫作同埋香港藝術家嘅創作,再加上不時會有一啲特別展覽,所以都有幾多嘢可以睇架!

藝術館於2015年8月閉館4年,重新開放嘅藝術館一共有五層,入面既有中國書畫館、吳冠中藝術廳、虛白齋藏中國書畫館、、中國文物廳、外銷藝術廳等等,有興趣嘅史友不妨去參觀下啦!

原圖嚟自網絡