早前阿史就講過下圓明園係咪需要重建嘅問題,今次阿史就想講講圓明園海晏堂。

圓明園係清代著名嘅皇家園林,康熙年間開始興建,雍乾兩代就不斷擴建。圓明園裡面嘅西洋建築就係由傳教士郎世寧、法國傳教士蔣友仁、王致誠等一起設計同督造工程。海晏堂係北京圓明園歐式皇家園長春園嘅西洋建築,由正樓同後工字蓄水樓組成。呢個地方叫「海晏」,取意「河清海晏,國泰民安」。海晏堂嘅中心建築就係一座11開間嘅工字樓,呢座建築物主要係以巴洛克風格為主調風格,而最出名就係十二生肖噴泉喇!

講到十二生肖噴泉,其實起之前仲有一個小故事。最初海晏堂設計師郎世寧就想將呢個噴泉設計為裸女噴泉,但乾隆皇帝就將呢個設計改為十二生肖,亦成為舉世聞名嘅十二獸首水力鐘。如果當初响咁保守嘅國度興建一個裸女噴泉,相信都幾震憾。

原圖嚟自網絡