今日喺11月27日，對唔少李小龍迷嚟講今日都係一個好特別嘅日子，事關正正就係李小龍誕辰80周年。

呢位出生喺1940年11月27日嘅國際武打巨星，原名叫做李振藩，祖籍廣東順德嘅佢出生喺美國三藩市，父親係粵劇丑生李海泉，而媽媽就係慈善家何甘棠個女何愛榆。佢喺1941年返到香港，先後讀過德信學校、喇沙書院同埋聖芳濟書院，自幼亦都係一位童星，出演過唔少粵語片就好似《細路祥》咁。

佢喺12歲嘅時候正式拜葉問為師，展開佢嘅功夫生涯。其後佢就喺1959年5月去到美國西雅圖嘅華盛頓大學讀哲學同心理學，與此同時亦都確立咗佢「截拳道」，亦都喺1960年代飾演喺《青蜂俠》配角「加藤」（Kato），其後就決定返到香港拍電影，亦都將香港功夫電影推上另一個高峰，掀起一陣「李小龍熱」

李小龍將Kung Fu呢個詞帶到英文詞詞典，被美國人視為係功夫之王、日本人都尊佢為武之聖者，佢嘅一生參演過33部電影，6部電視劇，亦都親力親為傳授佢嘅功夫，影迷同徒弟都遍佈世界各地。

原圖嚟自網絡