呢排因為疫情關係,無論係新聞定係網絡上都經常見到「葵盛邨」呢個公共屋邨嘅名。關於呢條邨,唔知史友們又知唔知其實葵盛邨係冇11座架呢?

呢條位於新界葵涌葵盛圍嘅公共屋邨,其實係分開葵盛東邨同埋葵盛西邨,未重建之前嘅葵盛東邨係喺1973年落成,而葵盛西邨就係1977年先落成。心水清嘅史友可能會發現到,就係葵盛邨原本就有10座,但係喺數字上就係有1至20座,到底當中有咩原因呢?

咁大家都知道東邨同埋西邨係分開建成,而當初興建西邨嘅時候,原本預計會喺依家6座同埋7座之間嘅位置興建「第7座」,但點知「第7座」嘅位置後來就起咗商場同埋巴士總站,於是就只好將原本嘅第8座改成第7座,如是者就去到第10座。而喺當時成個葵盛邨,第12座至第20座其實係早過1到10座落成,於是號碼就唔可以再改,結果就令到成個葵盛邨冇咗11座喇!

原圖嚟自網絡