觀塘區「四順」即係邊度？

又係時候同史友們介紹香港嘅一啲特色地名，唔知住喺觀塘區嘅史友，有冇叫開「四順」呢個地名，又知唔知其實「四順」喺指緊邊個區域呢？

所謂嘅「四順」係指嘅觀塘區北部茶寮坳嘅一個地域，呢個實際上並唔係一個正式嘅地名，反而係當區居民約定俗成嘅一個稱呼，所以大家基本上唔會喺正式地圖入面搵到呢個地區。據早年中期人號評估，住喺四順區域嘅人口一共就有42809人。

而「四順」最初嘅名亦都唔係叫做「四順」，而係叫做「五順」，呢個叫法係同四條以「順」字為首嘅公共屋邨同埋居屋有關，分別係順利邨、順安邨、順天邨、居屋順緻苑，再加上清拆之前嘅順利臨時房屋區，形成「五順」。而喺順利臨時房屋區清拆之後，「五順」就變成「四順」。