之前阿史講過1941年12月8日日軍進攻香港，响12月25日時任港督楊慕琦喺日軍總司令部即九龍半島酒店投降，之後日軍就响12月26日日軍就响灣仔舉行入城儀式。不過，阿史以往就曾經同一個前輩討論過呢件歷史事件，因為前輩話日軍入城儀式應該係响12月28日舉行，唔係12月26日。

關於呢段歷史，响網上都流傳住呢兩張相，最普遍講法就係話日軍舉行入城時影嘅。不過，有位歷史系教授就講過，其實呢兩張相係唔係同一日影，至於關於12月26日同12月28日邊日舉行入城儀式嘅爭議，都有所關連。响12月26日，日軍就响港島北岸進行入城巡行，地點就係軒尼詩道，日軍陸軍司令酒井隆响海軍司令新見政一陪同巡行。到咗12月28日，日軍就响九龍半島嘅彌敦道舉行「勝利」巡遊。所以，12月26日同12月28日其實係舉行咗唔同嘅巡遊，日軍邊一日舉行入城巡行其實都相當清楚。

原圖：網絡