上次阿史提及沙田短槍隊為咗協助克爾中尉離港，於是嚟招「圍魏救趙」偷襲啟德機場。其實响香港淪陷期間，東江縱隊港九獨立大隊做咗好多營救工作，唔少西方國家都表揚佢哋嘅貢獻，好似東江縱隊港九大隊國際小組負責人黃作梅，就响戰後獲英皇喬治六世授勳。
黃作梅出生於廣州，响細個時移居香港。於皇仁書院畢業嘅佢，被香港大學錄取入學，但因家貧輟學。後嚟就加入中國共產黨，從事地下活動。响香港淪陷期間，東江縱隊港九大隊成立，黃作梅就成為國際工作小組組長，期間多次營救盟軍國際友人，包括英軍戰俘賴特上校、祁德尊少校等。後嚟黃作梅成為東江縱隊首席翻譯聯絡官，為縱隊聯絡工作作出重大貢獻。
响1947年，佢獲英皇喬治六世授予MBE勳章，以表揚佢响二戰期間對盟軍作戰中所作出嘅貢獻，而佢亦係唯一一位以公開中國共產黨黨員身份獲得MBE嘅人勳章。
原圖：網絡