今日係2020年嘅最後一日，阿史先喺度預祝各位元旦快樂，2020年唔係容易嘅一年，而呢幾日又會有一啲熟悉嘅事物離我哋而去，阿史講緊嘅就係南北樓喇！

位於蘭芳道7號地舖及1號樓舖位嘅南北樓，早喺1971年就開業，至今已有半世紀歷史，係香港第一代嘅川菜館，而呢間菜館亦都會喺除夕後停業。南北樓嘅菜式好似鐵板干燒蝦球、辣子雞丁、宮廷天花係唔少港人、其至海外遊客嘅心水菜式，而呢間店舖畀大家嘅回憶當然唔止得菜式。如果史友們有睇過《死亡遊戲》，亦都會留意到，其實呢個地方亦都係《死亡遊戲》嘅取景場地，所以喺上世紀70到80年代，一直都有唔少李小龍嘅忠粉嚟到。南北樓就決定暫停營運，幾時重開就真係未知，希望新一年疫情快啲過啦！

原圖嚟自網絡