受到疫情嘅影響，今年嘅元旦都真係冇乜氣氛，喺呢啲咁低迷嘅時候，當然係會諗起返以往嘅跨年夜晚上嘅盛況，而阿史就特別諗到1999年12月31日至2000年1月1日凌晨舉辦嘅「龍騰燈耀慶千禧」。

「龍騰燈耀慶千禧」當年就係由特區政府喺跑馬地中央草坪位置舉行嘅一場大型大型跨年慶典活動，並都係市政局同埋區域市政區喺解散之前最後一場嘅除夕晚會。呢場晚會相當盛大，就係計節目參與嘅人數就已經超過一萬人，並且係由港台、馬會以及無線電視一同合作。

當晚由7點開始就已經有多場嘅活動展開，就好似花燈展覽、舞龍表演、藝人演出等等，呢場慶祝香港迎接公元2000年嘅活動，當晚就有成龍、洪金寶、譚詠麟、張國榮、梅艷芳、張學友、劉德華、黎明等嘉賓出席同埋表演，真係粒粒巨星，唔知史友們又記唔記得當年嘅盛況呢？

原圖嚟自網絡