人力車點解喺二戰時重新興起？

尋日就同史友們講到香港最後一位嘅人力車伕宣佈會退休，呢個決定亦都意味全人力車真真正正會喺馬路上消失。唔講唔知，其實人力車早喺上個世紀都差啲被完全淘汰，只係喺三年零八個月嘅日子忽然興起返，到底當中有咩原因，阿史今次就同大家講一講啦！

呢款喺1874年由商人喺日本引進香港嘅交通工具，其實喺短短幾年時間入面就已經相當流行，由於市面上一度出現太多人力車，當時政府仲喺1883年訂立咗一啲規則就好似要每架人力車領牌、就連車伕嘅儀容都有條例規管埋。由1896年去到1920年代，香港嘅人力車數目由585架增加到3000架，呢個數字真係誇張。

之但係，去到1924年出租汽車就開始出現、公工交通工具亦都開始普及，人力車本應被慢慢淘汰。但係，去到二戰三年零八個月嘅明侯，唔少交通工具都被戰火摧毀，部分就被日軍充公，加上燃料短缺，令到人力車再次興起。人力車再次興起嘅光景維持咗唔係好耐，1968年政府就停止向人力車發牌，人力車亦都成為一個難以繼續傳承嘅行業。