河貝水塘唔提供食水？

講到水塘，唔少人嘅認知就係儲淡水嚟提供食水。但原來，香港有水塘興建原因就唔係為咗提供食水，河貝水塘就係其中一個。

位於元朗八鄉嘅河背水塘，係二戰後政府响新界興建嘅水塘。不過呢個水塘嘅出現，其實係同大欖涌水塘有關。响1960年代，當時港府將錦田河截流，令啲水轉流至大欖涌水塘，結果令到錦田河中下游水流大減，由於當地居民主要係務農維生，呢個舉措嚴重打擊當地農業。所以，政府就起咗四個水塘，作為提供灌溉用嘅淡水，河貝水塘就係响咁嘅背景下出現。

今時今日，大家對呢個水塘嘅認知，除咗係水務署轄下面積最小嘅水塘之外，可能就係水塘嘅家樂徑，有一段竹林有港版嵐山竹林之稱。