觀塘區交通繁忙就幾乎人所共知，講到經常都會塞車嘅道路，觀塘道就絕對係數一數二。唔講真係未必知，喺觀塘道50年代通車初時，其實成條道路都係臨近海邊,仲有漁船停泊喺海邊，畫面都真係幾新奇。

現時係東九龍主幹道嘅觀塘道，連接住鯉魚門道、翠屏道、龍翔道、太子道東等等，喺淘大花園邊、啟業邨外嘅一段路亦都係全港第二寬嘅道路，合共有成十二條行車線，靠山邊嘅兩條線原本係「彩石道」，但就因為觀塘道擴建，直頭將兩條道路打通，先至形成十二線行車。由於觀塘道四通八達，通往旺角、大老山隧道、紅磡，所以每到返工放工時間都會塞車塞到一個點。亦都因為車流多嘅關係，呢區亦都設有特別多嘅天橋防止交通意外發生，而喺勵業街、康寧道亦都特別設有紅綠燈。

原圖嚟自網絡