响港產片當中，賭博片可以話係其中一個重要主題，特別响八十年代尾九十年代初，賭片風潮下真係乜都關賭事。當中有一樣嘢經常响賭片出現，就係賭船喇！香港人經常上賭船玩，當然啲船係要關到出公海娛樂設施先至開放。咁史友們又知唔知，香港第一艘賭船係邊艘，同埋幾時出現呢？

香港第一艘賭船係出現於上世紀八十年代尾，賭船名叫「東方公主」號。呢艘船原本叫「海龍星」號，後嚟就俾澳門賭界名人葉漢租咗，仲改名叫做「東方公主」號。「東方公主」號响1988年10月首次以賭船形式營運，乘客响香港上船後，隻船就駛出公海，等啲賭客開始搏殺。由於生意好，所以後嚟就出現大大少少嘅同類型賭船，都係港澳上客開出公海賭餐飽。

唔知點解，阿史又諗起侯賽因個句：「係咪公海？」

原圖：網絡