如果史友們去過銅鑼灣，甚至睇過一啲港產片，都應該會記得銅鑼灣軒尼詩道近糖街附近有一條圓型天橋，呢個地標式建築亦係唔少遊客去銅鑼灣拍片留影嘅地方。

呢條天橋叫做怡和街天橋，阿史响網上見到，話呢條橋响香港係「獨一無二」，咁到底有幾特別呢？根據資料，呢條天橋係香港唯一一條環型設計嘅天橋。亦由於呢條橋橫跨幾條行車線，包括電車路，形成咗好獨特嘅街景，唔少電影試過响度取景。仲有一個都市傳說，就係話响橋上高走會不斷兜圈困住。

不過有一個問題阿史就想問問史友，就係條橋到底係幾時落成。阿史細個個呢條橋已經响度，即八九十年代。有資料指條橋係六十年代興建，不過睇條橋個設計又唔似係六十年代出品，亦有網民話條橋應該八十年代興建。所以阿史個估計就係六十年代個度係有一條人行天橋，但到八十年代就重建。唔知有無史友可以證實或推翻呢個估計呢？

原圖：網絡