提起觀塘區嘅啟業邨同埋啟泰苑,相信唔少史友都會知道係由九龍灣填海得嚟,但大家又知唔知呢個地方原來其實係個前英國皇家空軍基地呢?

要知道英國本土嘅空軍喺1918年成立,但要到1924年先至派駐香港,而空軍嘅基地就要到1927年先至正式啟用,當時嘅範圍其實相當廣泛,由衙前圍村以南、麗晶花園、觀塘繞道臨海一帶都係空軍基地範圍。雖然空軍基地喺1927年建成,但短短過咗7年之後,當時軍方就緊急撥款5萬英鎊改善基地設施,原因原來係為咗應對日軍嘅入侵。

之但係,去到1941年12月8日,喺英國空軍都仲未發揮到作用時,日軍軍機就已經好快轟炸空軍基地,令到香港守軍失去制空能力,而呢個地方喺日佔時期就被改做憲兵部。直到香港重光之後,呢度先被恢復作為皇家空軍基地,直到1978年遷往石崗機場為止。喺搬遷之後,前皇家空軍基地部分土地就被用作興建啟業邨,亦都有一部分後嚟用作收容越南船民。

原圖嚟自網絡