呢篇文本來應該係响一個月後寫,但阿史最近响網上見到有組織/群組為表達政治訴求,竟然製作咗一啲黑色利是封,喂喂喂!想點呀?

前幾年阿史都介紹過,過年時派嘅利是,又稱利市,以往係做生意嘅人為咗响新春攞個好意頭而派嘅利市,即係係有生意興隆嘅意思。後嚟就演變成長輩向後輩派,代表將長輩福氣好運傳俾下一代。今時今日派利是,個封通常都係紅色,有啲就係金色,因為過年通常用紅或金色,係吉祥顏色象徵好意頭。其實,利是封用紅色或金色都係約定俗成,唔係硬性規定,但就真係要避免用藍色、黑色、白色等呢啲顏色嘅利是封,因為呢啲象徵喪事嘅顏色。所以阿史都唔明,點解會有人整啲黑色利是封出嚟。

原圖:網絡