尋日就係1922年香港海員大罷工發生嘅日子，呢件原本只係船塢工人因為生活艱苦、長期受到剝削而要求加薪，但就受到僱主拒絕，慢慢發展成全港嘅大罷工，甚至仲有唔少華籍工人不約而同集體請假回鄉，呢個時候就有一件悲劇發生！

喺總罷工期間，唔少工人都選擇離開香港，當時仲有唔少工人「行路上廣州」。呢個舉動嚇親當時港英政府，喺2月28日港英政府就制訂《緊急情況規例條例》，並下令九廣鐵路停駛。之但係，雖然九廣鐵路停駛，但去到1922年嘅3月3日仲有大約2,000幾個工人以步行嘅方式返到自己家鄉，當呢批工人嘅隊伍經過沙田，當時嘅副警司經亨利就下令英國軍警開槍制止，結果就令到五個手無寸鐵嘅工人死亡，仲有至少七人受傷。呢件悲被稱為沙田慘案，引嚟廣大華人憤怒，令工潮進一步蔓延。

原圖嚟自網絡