北角「琴行街」因曾福琴行而命名？

呢一年幾因為疫情關係，唔少歷史悠久嘅老鋪都捱唔住而紛紛結業，而近排一間喺北角嘅百年老鋪亦都宣佈將會結業，呢間就係曾福琴行。

曾福琴行係香港現存歷史最悠久，始創於1916年，早年琴行嘅總部係設立喺灣仔摩利臣山道，另外喺北角亦都有廠房。琴行嘅創辦人曾福最初係喺羅便臣鋼琴公司學習調音，之後自己就學習埋造琴技術，最後自立門戶，由鋼琴調音、再去維修、生產Morrison 摩利臣牌子鋼琴都做埋。咁呢間琴行又同北角嘅「琴行街」有咩關係呢？

原來當年北角七姊妹道一帶就係曾福琴行嘅廠房，當居喺1937年命名街道果陣，就因為呢個廠房嘅關係，就諗到用「琴行」嚟命名隔離嘅一條新街道，所以「琴行街」實際上係廠房旁邊嘅一條街。