河南東周墓葬 竟然係「天子駕六」車馬坑?

近年由於科技嘅發達同埋城市發展，令到有唔少考古遺址都得以發掘，仲可以有更加好嘅保存。高級貴族墓地、甚住係君主嘅墓地以往阿史都同大家介紹過唔少，之但係一個有埋「天子駕六」車馬坑嘅「王」級墓葬，就真係少之又少。

喺河南省南陽市一個原本係高級貴族墓地入面，考古團隊就喺「不見塚」墓區發掘一個喺2017年曾經被盜墓嘅墓葬，當中文物部門就斷定呢個地方嘅大墓屬於戰國史期嘅大型「甲」字形豎穴土坑墓。經過考察之後，考古人員就發現呢個墓並唔係一個簡單嘅墓，而係一個有「天子駕六」嘅車馬坑作為陪葬嘅墓。

成個車馬坑有成75米長，9.8米寬，本身就已經相當罕見，而呢個車馬坑入面嘅車衡、車輿、車轅、馬軛都清晰可見，6匹馬嘅馬軛清晰展現，仲有唔少青銅飾件，所以考古人員都幾肯定係「駕六」嘅規制。喺歷史上嚟講，「駕」係古代禮制嘅一種，亦都只有天子先可以「以六馬駕之」，所以墓主嘅身份必定會係「王」級，甚至可能就係「王子朝攜周典奔楚」嘅貴族群。