原址係嘉禾片場嘅嘉峰臺

繼續同史友們介紹一啲香港比較特別嘅居屋屋苑，上次就同大家到綠表居屋市場成交價最高嘅屋苑之一采頤花園，而其實喺采頤花園附近，就有一個嘉峰臺，同樣都係市場成交價最高嘅屋苑之一。

位於黃大仙區斧山嘅嘉峰臺，屬於私人機構參建居屋屋苑計劃，有返咁上下年紀嘅史友可能都知道，其實呢個屋苑前身係嘉禾片場，後來就原址改建成有5座樓宇嘅嘉峰臺，並且喺2003年落成。嘉峰臺呢幾座居屋樓高接近46層，屬於全港樓層最高嘅居屋屋苑。

就住周邊環境同埋地理位於嚟講，呢個位於九龍中心嘅屋苑，成交價必定係會高。早喺成個屋苑落成之後嘅一年，房委會就先以14億港元向新世界發展購回嘉峰臺所有單位，之但係房委會未有即時售賣，反而係因為停建居屋而暫停發售，直至2007年分兩期才出售。時至今日，呢度就已經成為成交價最高嘅屋苑之一。