堅尼地道顧名思義大家都會諗到係以紀念第七任香港總督堅尼地而命名,但呢條馬路亦都有一個別稱,就係叫做「二馬路」,史友們又知唔知點解呢?

今次阿史就想同大家介紹下堅尼地道,呢條位於灣仔同埋金鐘之間嘅路,現時已經係半山區一條主要道路,連接住皇后大道東同埋上亞厘畢道,當中花園道一段就有山頂纜車天橋橫跨堅尼地道,所以雙層巴士都行唔過。呢條道路係喺20世紀初興建,早年政府其實曾經諗住可以喺寶雲徑一段線穿越域多利軍營軍火庫,咁但係呢個方案就被駐港英軍拒絕,最後就都要沿山繞道。

香港開埠以嚟第一條馬路相信唔少史友們都知道係皇后大道,咁如果講到第二條馬路,史友們又知唔知係邊條呢?無錯喇,就係堅尼地道,亦都係因為佢係皇后大道之後興建嘅第二條馬路,所以有「二馬路」呢個稱呼。

原圖嚟自網絡