提起香港嘅主題公園，相信史友們都即時會諗到海洋公園、荔園等等，但其實喺上世紀又點止呢幾個主題公園呢，香港曾經仲有一個啟德遊樂場架！

啟德遊樂場昔日嘅位置就係喺新蒲崗彩虹道，亦即係今日鑽石山港鐵站嘅附近，目前就已經拆卸咗喇！呢個主題公園喺1965年1月31日開幕，當年耗資800萬港元建成，當年嚟講都真係好多錢。

啟德遊樂場入面都有啲特別嘅設施，就好似摩天輪、單軌火車、碰碰車等等，當中就有一座過山車，可能係全港第一座。而估你唔到嘅係，呢度仲設有戲院，入面長期都會有粵劇名伶同埋歌星表演，早年都幾受歡迎。

之但係，喺啟德遊樂場開幕之後，其實港英政府收取嘅地租都幾高，再加上遊樂場鄰近新蒲崗工業區，嘈雜之餘空氣又差，後來海洋公園開幕，更加令到啟德遊樂場競爭力下降，最後就喺1982年4月正式關閉。

原圖嚟自網絡