如果有史友們住喺九龍城果頭,應該都會知名區內有個「世運花園」,雖然呢個公園係喺位處迴旋處同埋唔少行車天橋一帶,但其實佢嘅命名都算係大有來頭架!

世運花園上方就有亞皆老街至太子道東嘅行車天橋,附近又係太子道東、亞皆老街及馬頭涌道嘅交匯處,公園嚟講都真係幾唔清靜。但真係唔講唔知,其實呢個公園係同奧運有關!

鴞1964年嘅奧運會,當年聖火喺希臘採集完之後就準備送到去日本東京,而喺途中就經過香港傳遞,呢次亦都係香港歷史上第一次接觸到奧運嘅聖火。為咗紀念呢件事,港府就喺舊啟德機場附近搵咗個公園命名為「世運公園」,附近嘅路亦都改名做「世運道」。

呢個公園喺2016年開始就進行過重建,下方正正就係宋皇臺站,而現時重開之後,公園先加咗入咗五環及火炬圖案嘅花壇。

原圖嚟自網絡