唔知史友們記唔記得，以往响太子站月台等車都有啲難受，因為月台唔知點解有陣臭味，如果要排隊等上車就份外覺得難頂。

呢陣响太子站出現多年嘅臭味，究竟係點嚟嘅呢？據了解呢陣臭味係同花墟道明渠有關。响過往花墟道明渠因為嚴重污染而發出惡臭，咁啱太子站月台及其南端行車隧道位置以前有條下水道係隔離，結果啲污水就响車站同行車隧道位置滲下滲下，呢個滲漏問題就導致太子站出現惡臭喇！

其實隨住港鐵公司改善咗抽風系統以及响月台加上幕門（因臭味部分由行車隧道傳出），臭味已經無以前咁勁。不過，阿史去親太子站月台都硬係覺得聞到有陣怪味，唔知係咪心理作用....

原圖：網絡