喺1986年1月28日，美國佛羅里達州卡納維拉爾角甘迺迪太空中心就發生咗一件災難性事故。

喺當地時間上午嘅11點39分，呢次嘅太空探索行動本身就係全球關注，穿梭機挑戰者號喺起飛之後嘅73秒發生解體，事件造成機上7名機組人員喪命，成架穿梭機解體，當中唔少殘骸都墜落喺佛羅里達州中部沿海。挑戰者號係當年美國航空太空總署（NASA）旗下第二架穿梭機，當日係執行緊第十次太空任務，以往就曾經繞行地球987圈，有返咁上戰績。

據事後嘅報告發現，呢次升空探索之所以失敗係因為右側固體火箭推進器O型環密封圈失效，令到本應係密封嘅推進器高壓高熱氣體泄漏，喺高溫之下呢啲氣體影響埋外儲箱，結果就令到右側固體火箭推進器尾部脫落分離，挑戰者號就係咁樣解體。

意外發生後，當時嘅美國總統列根下令成立特別委員會調查事故，全美嘅穿梭機升空計劃凍結32個月。而喺報告入面，就發現一樣比較心酸嘅事，當時穿梭機解體前，其實至少有三個太空人未死，但最後就因為逃生系統問題，令到佢哋到喺空中低溫、缺氧，最後仲喺墮海果陣畀水壓壓死。

原圖嚟自網絡