哪吒係印度神話人物？

無論係古代嘅戲曲，定還是現代嘅歌影視作品，哪吒嘅故事係都熱門嘅題材，劇集當中嘅哪吒唔少仲要係主角，之不過原來呢個神話人物嘅角色原型好有可能係嚟自印度神話？

哪吒有唔少嘅稱呼，喺佛教就叫做那吒俱伐羅太子、那吒矩缽羅太子、那羅鳩婆天；而喺道教嘅領域，佢就被稱為太子元帥、中壇元帥、火輪天王等等；而民間一般就會叫佢做三太子嘅。呢個神話人物基本大家都可以見到，已經完全融入咗唔少中國嘅宗教，仲成為民間嘅信仰，但原來關於哪吒最早係起源喺中亞佛教。

哪吒呢個名本身就係翻譯過嚟，係印度神話入面「夜叉王子 Nalakuvara」嘅音譯，唔少學者都認為夜叉王子就係哪吒嘅原型，喺印度古老史詩《羅摩衍那》入面就講到夜叉王子係毘沙門天王個仔，法力高強，擁護佛法，而毘沙門天王又係源自印度俱毗羅神，所以佢仲係梵天之孫。早年對於哪吒嘅記載並唔多，唔少嘅故事同埋描述都係喺佛教傳入中國，融入中國文化之後先出現。