位於新界西北嘅天水圍,係其中一個新界地區嘅新市鎮。史友對天水圍印象可能係大型樓苑高樓大廈,但其實以前嘅天水圍真係同圍村有關。

天水圍本來係元朗西北嘅一片沼澤同泥灘,被稱為廈村灣,以往好早就有輞井圍同廈村鄉民响呢度養蠔。到咗1916年,來自廣東台山嘅趙氏家族籌組聯德公司,向政府申請開發廈村灣,政府就將廈村灣土地低價租俾趙氏家族,圍堤造陸,趙氏族人就响呢度興建有一條圍村,就叫做天水圍。

點解叫天水圍呢?據前鄉議局主席劉皇發生前講過,宋太袓趙匡胤嘅袓先係源於甘肅天水,後來趙匡胤嘅後人(即台山趙氏)去咗依家天水圍一帶聚居,為咗紀念趙匡胤,所以就將聚居嘅村落叫天水圍喇!

原圖:網絡