今日係大年初一，係牛年嘅第一日，喺呢度阿史就祝史友們牛年身體健康、牛氣沖天。新一年大家都希望可以順順利利行個好運，傳統嚟講新一年嘅正月都有唔少習俗同埋禁忌，阿史今次就同大家介紹下啦！

年初一係新年嘅第一日，可能都係因為咁，所以呢一日唔做得嘅事真係特別多。傳統嚟講，大年初一基本上係唔可以洗頭沖頭，因為呢個舉動會被視為係沖走財富同財運，唔單止咁，其實連洗衫、打掃都最好避免。

而喺年初一嘅早上，其實一般嚟講都唔好叫人全名催人起身，事關咁樣果個人就可能會成年都畀人催住做野；而飲食方面，初一除咗唔好殺生之外，最好就食返尋晚食淨嘅舊飯，咁樣就意味住「年年有餘」喇！關於「新蒸頭」嘅禁忌，唔知史友們仲有冇補充呢？

原圖嚟自網絡