唔知史友們行過路過,又或者直頭住喺大圍嘅呢個「雲疊花園」嘅時候,有冇留意到一樣好特別嘅事,就係呢個花園一時又叫做「雲疊花園」,一時又叫做「雲叠花園」呢?阿史今次就同大家介紹呢個現象啦!

呢個位於大圍港鐵、田心村、隆亨邨一帶嘅屋苑,係一個喺1989年落成嘅私人參建居屋屋苑。花園內一共就有六座27層高嘅大廈,提供咗1988個單位。呢個花園叫得做「雲疊」,早期喺設計方面都用上淺藍色同埋白色配合,都真係幾有「藍天白雲」嘅感覺。

言歸正傳,到底呢個花園係叫咩名呢?其實如果認真計,呢個花園最初採用嘅名係「雲疊花園」,但喺舊式嘅操作系統入面,「叠」字就屬於異體字,當時嘅系統無辦法顯示,所以後來就用到「疊」代替,「雲疊花園」就係咁樣嚟喇!

原圖嚟自網絡