上環有個荒廢月台叫做林士站？

早幾日阿史就同大家提到中環站嘅開幕，而講開中環站阿史就諗起以前有個地鐵站月台係叫做林士站，早年呢個站忽然荒廢就引唔少鬼故流傳，阿史今次就同大家介紹下林士站啦！

如果有史友早年喺上環站入面行過，可能都會喺Ｅ出口附近經過一條扶手電梯，而電梯上面就會睇到一個無人無軌嘅月台，上面月台嘅顏色同裝飾都同上環站好相似，而呢個位置正正就係「林士站」所在。咁問題嚟喇，點解好地地起好咗個月台又唔用呢？原來係同地下鐵路嘅發展有關！

喺1970年就有一份《集體運輸計劃總報告書》出爐，當時就規劃林士站會係東九龍南端嘅一個總站，同時都可以轉線連接埋上環站，假如日後有咩擴展就會喺林士站呢度伸延。之但係，後來政府就興建咗國際機場，當年《香港運輸政策白皮書》入面就講明，僧將原本東九龍嘅過海路段由機場鐵路取代，所以林士站嘅計劃就變咗冇乜用途，林士站嘅大堂就成為咗上環站嘅東大堂，而林士站月台就荒廢到依家喇！