之前阿史介紹過西安咸陽機場進行擴建工程時,發現有古代文化遺址。其實可能史友們一直有個疑問,咸陽同長安到底係咪一樣。

其實,古時嘅咸陽同古時嘅長安係唔同嘅城市。咸陽位於陝西省八百里秦川腹地,東鄰西安,兩地相隔大約有28公里。如果以秦代咸陽同漢代西安嚟睇,就更容易睇出個分別。古咸陽城區係响渭水以上,而漢代長安城就位於渭水以南,原本係古代名城鎬都所在地,响西漢成立時劉邦就响呢個地方定都,開啟長安長連1200年嘅京城據點。

到咗今時今日,咸陽市同西安市,都係兩個唔同行政單位,西安市係陝西省省會,而咸陽係地級市,所以,兩個地方其實唔一樣。

原圖:網絡