近排疫情就開始緩和,唔少嘅防疫措施亦都開始放寬,唔單止娛樂場所重新開放,就連博物館、藝術館等等都開始有啲新活動,就好似香港藝術館就有個特別展!

香港藝術館就舉行咗一個叫做「聚道傳承──敏求精舍六十周年」嘅展覽,呢個展覽就係喺敏求精舍成員入面挑選出300餘件中國藝術作品,同博物館嘅藏品唔同,呢個展覽嘅展品主要都係民間嘅私人 珍玩古物。咁到底展覽入面有咩睇呢?雖然話就話係民間藏品,但唔少都相當具有名氣,就好似元代青花魚藻紋大罐、清乾隆年間醬色綢繡十二章紋吉服袍料;同場仲有明清年間沈周、文徵明、王時敏和董其昌等名家嘅書畫展品;亦都有宋元青瓷白瓷、明清青花瓷器及多彩瓷器,真係花多眼亂啊!

原圖嚟自網絡