香港係沿海城市，因此有好多海灘，亦成為香港人假日消閒嘅好去處。現時香港有41個由康文署管理嘅公眾泳灘，不過當中就有3個係無救生員服務。

位於港島南區嘅夏萍灣，就係其中一個就係無救生員服務嘅公眾泳灘。呢個海灘係响赤柱正灘北方，個灘面積唔大，响2005年康文署就無再為泳灘提供救生員服務，不過呢個灘都有燒烤爐、淋浴設備、洗手間呢啲設備。港島另一個無救生員服務嘅公眾泳灘，就係石澳後灘，呢個泳灘唔單止無救生員服務，連燒烤爐淋浴設備都欠奉。位於青山公路深井段12咪嘅雙仙灣泳灘，就係新界區內無救生員服務嘅公眾泳灘。雖然無救生員服務，但泳灘就有燒烤爐、更衣室、淋浴設備、洗手間、泳屋等相關配套。

有泳灘但無救生員，咁史友們就唔好响呢幾個灘游水喇！

原圖：lcsd.gov.hk