潮流就興網購，阿史都好鍾意瀏覽各大嘅購物網，因為可以睇到好多以前少見、又或者買唔起嘅中古嘢。而近排亞馬遜嘅一件貨品就引嚟唔少網民熱烈討論，仲有唔少好心網民提醒個賣家，到底呢件貨物係咩呢？

呢件就係痰罐喇！近排就有唔少網民見到有個賣家喺亞馬遜上面賣一個貌似痰罐嘅「搪瓷碗」，但似乎個賣家自己都唔知呢件貨物係咩嚟，只係寫做一個1960年代嘅中國生果籃，甚至仲喺入面放埋酒同面包，配埋古董裝飾布置，成個畫面同大家想像嘅都真係幾大反差！

呢類上世紀嘅產物，一般嚟講都係底部闊身、腰窄、口闊，係為咗收集唾液、又或者畀小朋友用嚟做尿壺，器物內部就點都唔會乾淨，用嚟做生果籃，都真係幾新穎……

原圖嚟自網絡