有廟宇供奉玉皇大帝？

响唔少神話傳說同小說電影電視劇裡面，都有玉皇大帝呢個角色。呢位天庭「冧巴溫」其實响民間都有人供奉，香港亦有廟宇供奉玉帝。

玉皇係是道教「三清四御」四御神祇之首，其信仰最早可追溯至殷商時期「天帝」崇拜，現時天帝嘅形象主要定型於隋唐時期。位於筲箕灣亞公岩嘅玉皇寶殿，就係香港少數供奉玉帝嘅廟宇。响十九世紀初，惠潮人士响筲箕灣亞公岩設置神壇，供奉玉帝。到咗二十世紀初，神壇發展成為一間廟宇，亦即依家嘅玉皇寶殿。

另外，响每年農曆正月初九，樂富老虎岩天后聖母古廟都會舉行天公玉皇大帝誕，以舉辦拜神儀式慶祝天公玉皇大帝壽辰。有關機構會舉行誦經儀式，仲有上大香、獻酒、獻飯、獻果品同獻元寶等典禮。現時天公玉皇大帝誕已經取錄為香港非遺清單項目之一。