過往都同史友們介紹唔少內地嘅考古發現,而近排根據國際權威期刊《自然·通訊》發布嘅研究成果,喺貴州就有一樣重大嘅發現。

呢篇報道入面就指出,研究團隊就喺貴州省甕安縣白雲岩喀斯特洞穴入面採集咗20塊岩石嘅樣本,結果經過化驗之後就發現入面有接近一千杖好似頭髮咁幼嘅微小真菌化石絲體,而更加犀利嘅係,呢啲化石絲體係6.3億年前嘅真菌類生物化石。研究團隊就表示,呢啲化石係由兩部分組成,一部分就係長度只有幾百微米嘅空心細絲,而另一部分就係連接喺細絲之間、直徑只有10微米至26微米嘅空心小球。

科研人員通過比對之後,就宣稱呢次發現嘅係迄今世界上發現最早陸生真菌類化石,將成個陸生真菌化石記錄(最早陸生真菌的化石發現於蘇格蘭距今約4.1億年歷史)推前2億幾年,亦都印證咗蘑菇、酵母、青黴等真菌類生物6億幾年前就已經可以喺陸地繁殖,係陸地早期環境同埋生命演化重要嘅一頁。

原圖嚟自網絡