阿史有一個飲食習慣，就係唔食內臟，特別係膶，個陣味同口感真係頂唔順。話說有一次去間舊派粵菜酒樓，見到有味金錢雞，結果就點嚟食。碟嘢嚟咗，食咗一啖就知中招。

响粵式燒味當中，就有一味金錢雞。金錢雞並唔係雞，而係由豬肉、肥膏，加一片雞膶串埋製成嘅燒味。呢味燒味源於省城廣州一帶，據講响上世紀初傳咗嚟香港。咁點解金錢雞由豬加雞膶混合製成呢？又點解叫雞呢？其實豬肉、肥膏同雞膶都係剩返嘅下欄嘢，有燒味檔唔嘥料，串埋一齊醃好再燒成燒味。由於價格平得嚟又有食燒味嘅感覺，於是廣受低下階層歡迎。至於點解叫做雞，其實都係改個名等啲人潛意識覺得係食緊雞，以前窮人的確好少機會食雞，頂住先啦！

原圖：網絡