廣東人食魚生？

講到魚生，唔少香港人第一時間都會諗起日本料理，刺身呀壽司呀咁都用上魚生。但其實，對我哋廣東人而言，魚生一啲都唔係新鮮事，因為廣東都有魚生。

响廣東部分地區，漁產量高，居民都習慣食魚。正如大台前高層所講：「廣東人做雞有特別多的方法」，廣東人食魚都自然唔少方法，其中一種就係魚生。好似順德、五華、潮州等地，就係有魚生食。順德人就有食鯇魚魚生習慣；潮州人就食草魚魚生；五華人就食草魚、鯽魚魚生。廣東魚生有一個特色，就係以薄見稱，再配以廣東特式醬料，真係另一番風味。

不過咁，廣東魚生都係以前啲人食開嘅美食，因為食魚生始終有寄生蟲風險，所以史友們下次都係滾一滾啲魚生片先食會好啲。