之前阿史湖北神農架野人傳說,而响網上搵資料個陣就見到報道話早就有人搵到野人真身。嘩!咁勁?

但其實,報道講嘅「野人」並非傳說中嘅神農架野人,而係「猴娃」。响1986年,當時國家環保部門去咗湖北神農架拍專題片,攝影師响當地偶然聽到猴娃傳聞,於是就去咗神農架南部長陽縣深山一條村落,見到一位亦人亦猿嘅猴娃。呢位猴娃名叫曾繁勝,據佢哥哥講曾繁勝身材頭大腦細,行路似隻猿猴,身手敏捷,一年四季都唔著衫,唔識講嘢只會發單音,村民都叫佢做猴娃。後嚟攝影師將拍到嘅片段製作成《神農架野人初探》。到咗1997年,有關猴娃嘅資料經傳媒報道後引起廣泛討論,專家團隊去到當地作調查研究,可惜猴娃曾繁勝早响1989年已病逝。團隊得到曾繁勝家人同意,於是將曾繁勝屍骨帶到北京研究。

咁猴娃係咪就係傳說中嘅野人呢?專家經研究後得出結論:猴娃曾繁勝係「小腦症」患者。

原圖:網絡